Sarako gaztetxean egindako kontzertu batetik
bueltan, egundoko bestondoarekin eta guardia zibilen kontrol batekin topo egin
ondoren, giza hezur batzuk eta pakete arraro bat deskubrituko ditu Lurrak,
obra-hondakinen artean. Misterio hori, gainera, nahastu eginen da Baztanen,
herritarren nahiaren kontra, egin nahi duten plan urbanistiko erraldoi batekin.
Musikaren erritmoan eta kamiseta erreibindikatiboen
konpainian, hainbat pertsonaia eta gertakari nahasten dira eleberri beltz
honetan: sekta ultrakatolikoak, kontrabando arkeologikoa, momia egiptoarrak,
psikiatrikoko gaixoak, rock kontzertuak, besta eta parranda, eta, batez ere,
protagonista ahaztezin bat: Lurra, neska bizizale eta urduri bat, Baztan
bukolikoaren irudia zapartatzera datorrena.
***
Aurkezpenak:
Maiatzak 17 (asteazkena),
Donostiako Elkar dendan goizeko 11:00etan.
Maiatzak 19 (ortzirala),
Lekarozko Hiru-iturri ostatuan arratsaldeko 20:00etan.
 |
iruzkinik ez:
Argitaratu iruzkina